టాలీవుడ్ సూపర్ స్టార్ మహేష్ బాబు క్రేజ్ రోజు రోజుకి పెరిగిపోతుంది. ఒకపక్క సినిమా రంగంలోనూ మరోపక్క వ్యాపార రంగంలో ప్రముఖ కంపెనీలకు బ్రాండ్ అంబాసిడర్గా వ్యవహరిస్తున్న మహేష్ బాబు ఇటీవల హైదరాబాద్ నగరంలో ఓ భారీ షాపింగ్ మాల్ కట్టిన సంగతి మనకందరికీ తెలిసినదే. ఇంతటి క్రేజ్ ఉన్న మహేష్ బాబు పై సింగపూర్ దేశానికి చెందిన ఓ ప్రముఖ సంస్థ మైనపు బొమ్మను మేడమ్ టుస్సాడ్స్ అనే సంస్థ ఏఎంబీ సినిమాస్ లో లాంచ్ చేసింది.
ఈ సందర్భంగా మీడియా సమావేశంలో పాల్గొన్న మహేష్ బాబు ని కొంటె ప్రశ్నలు అడిగారు విలేకరులు. లాంచ్ చేసిన మహేష్ బాబు మైనపు బొమ్మను ఏ సినిమాలో అయినా చూసే అవకాశం ఉందా అని ఓ విలేఖరి అడుగగా చూడాలంటే సింగపూర్ వెళ్లాల్సిందే అని, సినిమాల్లో చూసే అవకాశం ఉండదని కౌంటర్ ఇచ్చారు. ఈ క్రమంలో ఈ వేడుకకు హాజరైన మహేష్ బాబు భార్య నమ్రత...తనకు రెండో భర్త మహేష్ దొరికాడని కామెంట్ చేయడంతో అక్కడున్న అభిమానులు మరియు చాలామంది నవ్వేశారు. మరోపక్క మహేష్ అభిమానులు ఆ మైనపు బొమ్మ దగ్గర సెల్ఫీలు దిగడానికి ఎగబడ్డారు.
