ఇటీవల సాంకేతికంగా ఎయిర్ ఇండియా కు సంబంధించిన సర్వర్ లో సమస్యలు తలెత్తడంతో ప్రపంచవ్యాప్తంగా ఎయిరిండియా సర్వీసులు కార్యకలాపాలు మొత్తం నిలిచిపోయినట్లు సమాచారం వచ్చింది. దీంతో చాలామంది ప్రయాణికులు తీవ్ర ఇబ్బందులు పడ్డారు. శనివారం తెల్లవారుజాము నుంచే ఈ సమస్య చోటుచేసుకోవడంతో.. వేలాది మంది ప్రయాణికులు ఎయిర్ పోర్టులలో నిలిచిపోయారు. దీనిపై తీవ్ర ఆగ్రహం వ్యక్తం చేస్తున్న ప్రయాణికులు.. తాము ఎదుర్కొంటున్న సమస్యలకు సంబంధించి ఫొటోలను, వీడియోలను సోషల్ మీడియాలో పోస్టు చేస్తున్నారు.సీటా-డీసీఎస్ సిస్టమ్స్ బ్రేక్ డౌన్ కావడం వల్ల ఈ సమస్య తలెత్తిందని ఎయిర్ ఇండియా తెలిపింది. ప్రయాణికులకు కలిగిన అసౌకర్యానికి చింతిస్తున్నామని తెలిపింది.వీళ్ల విచారం ఎవరికి కావాలి. వెంటనే ప్రత్యామ్నాయ ఏర్పాట్లు చేసి ప్రయాణికులకు ఇబ్బందులు లేకుండా చేయాలి కాని. తాజాగా ఈ వార్త సోషల్ మీడియాలో రావడంతో చాలా మంది నెటిజన్లు ఎయిర్ ఇండియా సేవలపై మండిపడుతున్నారు.
